اليس في بلاد العجايب

احتاروا كتير في وصفك
معرفوش يسموكي
وقفوا كتير في صفك
بس توهتيهم وما لقيوكي
حيرتي الحاضر واللي غايب
يا اليس في بلاد العجايب

تملي الدنيا محيراكي
وخداها بعند غريب
وحاجات كتير شغلاكي
عن البعيد والقريب
الحقي بقى من الفرح نايب
با اليس في بلاد العجايب

ليه كده خايفة ومترددة
ده طريقك صافي منور
وحتى الوعود متحددة
بس عايزة اللي يدور
القمر فيكي دايب
يا اليس في بلاد العجايب

حياتك غريبة وانا عارف
راسم ملامحها على كفي
وماشي على خطاها مغمض شايف
والرزق على الله وبيكفي
الحزن والفرح قرايب
يا اليس في بلاد العجايب

امشي مرة ومتتردديش
واسندي على كتف الدنيا
عمرها ما باعت..متخافيش
انسي القلق ولو ثانية
ليه دايما بايعة الحبايب
يا اليس في بلاد العجايب